Lasemenn bann Ansennyan |07 October 2019
Bann ansyen ansennyan dan en portre souvenir avek serten envite
Ansyen ansennyan lo Praslin paān ganny oubliye
Ģż
Sete lo ritm āChevalier de la table rondeā ā sanson Franse byen popiler dan bann lekol lo Praslin lontan ā ki en pti seremoni ti demare pour rekonpans bann ansyen ansennyan lo sa zil.
Seremoni ti deroul de wikenn pase dan ā³ó²¹±ō±ōā lekol Baie Ste Anne primer, ki tiān vreman transformen pour akeir sa group endividi byen devoue kiān kontribye bokou dan formasyon nou bann profesyonnel Pralinwa.
Sete JJ Spirit Foundation e serten ansyen etidyan ki tiān zwenn ansanm pour organiz sa aktivite an siny remersiman anver zot bann ā±š³ę-³Ł±š²¹³¦³ó±š°ł²õā. En ventenn ansyen ansennyan ti prezan akonpannyen par bann manm Lasanble Nasyonal, administrater distrik, bann ansyen etidyan ek bann āČŁ±č“Ē²Ō²õ“Ē°ł²õā touzour byen fidel.
Sak ansennyan ti resevwar en pti tokenn lapresyasyon, en zes ki zot ti vreman apresye.
āNou vreman apresye e remersye bann manm organizater sa aktivite. Nouān byen egeye e vreman in tous nou ki zot in mazin nou menm si nou nepli dan lansennyman,ā Mis Carmelle Gappy, ansyen ansennyan kiān pas plis letan dan lansennyman parmi bann prezan sa zour, ti partaz avek nou.
Mis Carmelle ti fer resorti ki pandan son 48-an servis konman en ansennyan, in temwanny bokou e son pli gran lazwa sete kan i vwar son bann etidyan reisir dan lavi.
Sa aktivite ti non selman pour rekonpans bann ex-teachers, me osi en moman partaz kot serten bann ansyen etidyan e ansennyan ti ganny sans partaz zot parkour e reviv serten moman zot karyer ou letid kiān mark zot.
Ti en moman lazwa ek detant ki ti ganny animen par bann sanson ki sa bann ex-teachers zot menm tiān enstrir bann ansyen etidyan prezan.
Ģż
Teks ek portre: Nadia Bedier