Byento pou annan en polisi lo peyman dividend |24 July 2019
Byento en polisi ki pou regilariz fason dividend i peye pou prezante avek Konsey Minis e sa pe ganny prepare par Komisyon ki Sirvey bann Lantrepriz Piblik (PEMC) konzwentman avek minister finans.
Se Minis responsab pour finans, Msye Maurice Loustau-Lalanne, ki ti donn sa lenformasyon lasanble yer bomaten letan i ti pe reponn en kestyon poze par manm elekte pour Mont Fleuri, Jean Fran莽ois Ferrari.
Msye Ferrari ti anvi konn polisi Minister Finans konsernan peyman dividend par bann lakonpannyen paraetatik ek lezot lazans.
Minis Loustau-Lalanne ti fer resorti ki parmi bann lakonpannyen paraetatik i annan serten ki komersyal e lezot ki鈥檔 kree pour delivre bann servis avek en bi polisi piblik e dan sa 2 kategori gouvernman i ekspekte ranmas dividend (reveni ki bann lakonpannyen i donn gouvernman toulezan) avek bann ki komersyal.
鈥淎 ler aktyel napa en polisi formel ki鈥檔 adopte me pandan plizyer lannen Minister Finans in servi en polisi enformel kot i fer kalkilasyon lo konbyen dividend i ekspekte ranmase e fer konnen sa bann lantrepriz lo konbyen zot pou peye. Dividend i peye avek Sosyete Seselwa pour Lenvestisman (SSI) ki answit pey gouvernman.
Lotorite Laviasyon Sivil Sesel (SCAA), Lotorite Por Sesel (SPA), Lotorite Servis Finansyel (FSA) zot, zot fer zot peyman direkteman avek Minister Finans. Me vi ki gouvernman pandan sa bann dernyen lannen pe met lanfaz lo bonn gouvernans ek latransparans dan zesyon sa bann lantrepriz piblik, PEMC pe travay lo plizyer polisi konzwentman avek Minister Finans e parmi i en polisi pour dividend ki dan faz final e pou ganny prezante tre byento avek Konsey Minis.
鈥淪a polisi pou pran ankont plizyer fakter parey donn direktiv lo bann performans target kourt ek lonterm e osi portfolio lenvestisman sa bann lantrepriz ki a permet gouvernman annan lenformasyon konkret lo ki kalite performans pou ekspekte avek bann lantrepriz piblik, konbyen taks i pou ranmase e konbyen dividend i pou kolekte. Anplis ki sa gouvernman i ava osi dan en pli bon pozisyon pour konnen ki bann lenvestisman sa bann lantrepriz pe anvizaze,鈥� Minis Loustau-Lalanne ti eksplike.
Dan en kestyon siplemanter, Msye Ferrari ti oule konnen si dan tou ka lotorite Minister Finans i ganny respekte vizavi demann ki i fer pour bann lakonpannyen komersyal pey zot dividend e si i annan serten defayans dan lalwa ki permet serten lakonpannyen komersyal pour deside zot menm si zot anvi pey dividend ou non? Minis ti eksplike ki tyermenn bord sa bann lakonpannyen i ganny averti an ekri lo nivo dividend ki zot ekspekte peye. I dir in annan de ka pour rezon lenvestisman dan sa bann lakonpannyen ki fer ki zot pa鈥檔 reisi pey nivo ki zot ti devret.
Me i annan osi de ka kot zot performans in depas zot bidze e la zot in pey enpe plis dividend.
鈥淢on pa krwar ki i annan ki pe deliberaman gard larzan pour divers lezot rezon akoz mon krwar i annan sa dyalog konstriktif antre nou. Me mon santi i ava pli bon annan en polisi kler lo dividend pour anmenn plis latransparans,鈥� Minis Loustau-Lalanne in dir.
Minis Loustau-Lalanne ti osi eksplik Lasanble rezon akoz kot serten lakonpannyen i bezwen pey zot dividend atraver SSI.聽聽
Dan sesyon yer bomaten Minis Loustau-Lalanne ti osi reponn plizyer lezot kestyon konsernan son minister poze par bann lezot manm.