Mesaz Lider 鈥极苍别 厂别测肠丑别濒濒别蝉鈥� alokazyon Lazournen bann Madanm le 8 Mars |09 March 2020
鈥楴ou bezen tande e ekout lavwa bann madanm鈥�
听
鈥淢enm si Nasyon Ini ti selman konmans komemor Lazournen Enternasyonal bann Madanm an 1975, sa komemorasyon ti鈥檔 konmanse depi an 1910 kan en konferans enternasyonal bann madam ti sizere ki toulezan sa dat i onor bann madam ki pe travay. Ozordi selebrasyon sa lazournen in pran en lot lanpler avek emansipasyon bann madam e zot partisipasyon aktiv dan tou laspe lavi lasosyete.
鈥淏ann madanm i leker lafanmir e leker lasosyete. Se zot an premye ki annan sa rol e responsabilite pour anmenn lavi e pran swen avek lafanmir. Isi Sesel, parey dan en kantite pei, bann madanm i kontribye en kantite dan devlopman lekonomi ek lasosyete.
鈥淥zordi mon oule salye tou bann madam Seselwaz ki swa ou en manman, en zenn fiy oubyen en sitwayen trwazyenm-az e lo non One 91香蕉视频 e personnelman mon dir zot mersi! Mersi pour donn nou lavi, mersi pour bers nou, mersi pour sonny nou e fer nou grandi, mersi pour debout akote nou dan tou defi ek lazwa, mersi pour zot lafwa e sirtou mersi pour sa lanmour ki zot vid lo nou.
鈥淎nmezir ki nou pe rekonnet progre e aplodi sikse ki bann madanm in fer, nou pa kapab osi pa regard enpe bann sitiasyon ki pe annan lenpakt negativ lo bann madanm dan nou sosyete.
鈥淟etan nou dir bann madanm bonn fet, annou fer sir ki nou pe fer tou sa ki nou kapab pour asire ki bann madanm Sesel i ganny tou sa ki zot bezwen pour epanouir e pour delivre lo zot rol kle dan lasosyete. Annou fer sir ki nou pa fer diskriminasyon kont bann madanm ler zot vin rod en lanplwa e zot annan zanfan ki ankor tre zenn. Annou pa zis mazinen ki taler i ava mank travay akoz zanfan i malad e i bezwen reste avek dan lakour. Plito annou esey rod solisyon inovativ ki ava permet sa madanm pour travay e anmenmtan okip son zanfan.
鈥淎nnou pa esper soufrans en manman ki pe mars kaz-an-kaz, port-an-port avek son pake lo ledo, piti dan lebra, vin sitan for ki i deside anmenn tou son pake anba biro gouvernman avan nou leve pour asiste li avek en lozman.
鈥淎nnou montre nou bann madanm nou lapresiasyon tou dilon lannen e pa zis ozordi. Annou pa fors en madanm ki pe ganny abize pour reste dan sa menm landrwa kot i pe soufer akoz senpleman i napa en landrwa pour ale.
鈥淚 enportan ki nou ankouraz bann zenn madanm ek zenn fiy devlop zot karyer e rekonnet zot profesyonalizm. Ler nou kree proze avek bann zenn profesyonnel antet annou pa bliy sa bezwen spesifik pour bann zenn profesyonnel fiy ek madanm. Ler nou konstrir apartman pour zenn profesyonnel mazinen ki sa zenn madanm i kapab fek konmans son fanmir.. pa met pri lo en nivo sitan egzorbitan ki i zis kapab gete, bave e ale leker lour!
鈥淟azournen bann madam i osi demann nou pour regard enpe lasante mantal bann fanm dan nou sosyete. Souvannfwa se zot ki pe anmenn fardo lafanmir tousel e sa i met en kantite presyon. Letan nou war en madanm pe abiz lalkol ouswa drog pa riye e vwar li konman degoutan, plito rode kwa ki鈥檔 anmenn li ziska la e ki mannyer nou kapab ed li sorti dan labi sibstans.
鈥淔odre ki nou rekonnet valer ek sazes bann madanm e fer sir ki nou ekout zot kontribisyon dan bann gran desizyon ki konsern nou pei e ki pou annan en lenpakt lo zot avek zot fanmir.
鈥淣ou salye bann madam ki鈥檔 travay dir e ariv dan bann pozisyon kle dan nou sosyete parey Madanm Sef Ziz, Madanm Onmboudsmenn e bann madanm minis ek manm Lasanble Nasyonal. Sa bann madanm i bezwen nou sipor e non pa ganny denigre parey in souvannfwa leka avek Madanm Twomey dan son rol konman Sef Ziz. Sa bann adversite initil e mal kalkile ki nou tant pour fer sa bann madanm pas atraver i malere akoz sitan kantite lezot madanm ek zenn fiy i vwar zot konman bann model ek senbol laspirasyon.
鈥淣ou bezwen tande e ekout lavwa bann madanm.
鈥淎nkor enn fwa mon swet tou madanm ek fiy Seselwaz en tre bonn fet.鈥�
听
Alain St Ange
Lider 鈥极苍别 厂别测肠丑别濒濒别蝉鈥�
听
听