Lasanble i fini ekout reaksyon bann manm lo ladres Leta Lanasyon |28 February 2020
Apre trwa zour diskisyon, Lasanble Nasyonal ti yer tar apremidi fini ekout reaksyon tou bann manm lo ladres Leta Lanasyon ki Prezidan Danny Faure ti fer devan Lasanble Zedi le 20 Fevriye.
Nou ava rapel ki ti Mardi ki Lasanble ti demar son trwa zour sesyon avek reaksyon dirizan lopozisyon Msye Wavel Ramkalawan ek dirizan zafer gouvernman Msye Charles de Commarmond.
Spiker Lasanble, Msye Nicholas Prea, ti anonse apre sesyon yer apremidi ki semenn prosenn Lasanble pou zwenn pour trwa zour – Lendi le 2 Mars ziska Merkredi le 4 Mars – pour deliber lo de prozedlwa – Anti Money Laundering Bill e Beneficial Ownership Bill.
Msye Prea i dir sa travay entans se pour ede gradyelman retir Sesel dan sa sitiasyon kot nou vwar nou ete lo bann black list.
Ìý
Marie-Anne Lepathy