Veronique Herminie i reponn Vis-Prezidan lo size Travizory |14 March 2025
Madanm Herminie
Ansyen Komisyoner Zeneral Komisyon Reveni Sesel, Veronique Herminie, in dir ki desizyon pour lakonpannyen Travizory ofer son servis Sesel ti en desizyon gouvernman ensi ki polisi e napa nanryen pour fer avek li.
Dan en lentervansyon video omwen 17 minit lo ‘you tube’ Merkredi, Madanm Herminie ti eksprim son dezapwentman ek sok swivan serten alegasyon fer kont li par Vis-Prezidan Ahmed Afif, pandan letan ki i ti Komisyoner Zeneral Komisyon Reveni Sesel (SRC) ant Oktob 2019 a Zanvye 2023.
Sa ti pandan ki Vis-Prezidan Afif ti pe reponn en Private Notice Question Mardi bomaten anmennen par lider lopozisyon dan lasanble, Onorab Sebastien Pillay. Manm parti United 91Ï㽶ÊÓƵ (US) ti oule konnen si Travizory, ki en sistenm pour sekirite lafrontyer, in kontribye okenn taks ki swa Valued Added Tax (VAT) ou lezot, e ziska la konbyen eski sa lazans in kontribye pandan sa dernyen trwa lannen.