Lasanble Nasyonal |12 March 2025
Peyman VAT par Travizory pa ankor finalize, dapre Vis-Prezidan
Ìý
Travizory i pey taks parey nenport ki antite ki fer biznes dan Sesel me sa konponan ‘Value Added Tax’ ou VAT, pa ankor finalize.
Sa i larepons Vis-Prezidan Ahmed Afif yer devan Lasanble Nasyonal letan i ti pe adres en Private Notice Question (PNQ) anmennen par lider lopozisyon dan lasanble, Onorab Sebastien Pillay. Manm parti United 91Ï㽶ÊÓƵ (US) ti oule konnen si Travizory, ki en sistenm pour sekirite lafrontyer, in kontribye okenn taks ki swa VAT ou lezot, e ziska la konbyen eski sa lazans in kontribye pandan sa dernyen trwa lannen.
Vis-Prezidan Afif, ki ansarz dosye finans depi depar ansyen Minis Naadir Hassan, ti eksplike ki letan lagreman ti sinyen ant gouvernman ek Travizory an Mars 2021, lakor sete ki peyman VAT ti pou finalize dan en dele letan sis mwan.