Lasanbe i retir sispansyon, aprouv bidze MHILT, Lotorite Plan, lezot antite |22 November 2019
Apre ki Merkredi apremidi i ti鈥檔 sispann son vot lo bidze pour Minister Labita, Later, Lenfrastriktir ek Transpor lo Later (MHILT) a en sonm 185.103 milyon roupi, yer pandan lazournen bann manm Lasanble in aprouv sa bidze apre ki Minis ek bann teknisyen sa minister in zwenn bann manm e donn zot leksplikasyon pli detaye lo fason sistenm pwen pour alokasyon later ek lakaz (size kontansyon dan deba oparavan) i marse e zot in reisi ariv lo en konpromi lo sa size.
Dirizan lopozisyon, ki osi responsab Komite Finans ek Kont Piblik dan Lasanble, ti eksplike avan bann manm ti vote ki le de parti in tonb dakor lo serten pwen konm swivan:
- Bann MNA ek DA i bezwen tonb dakor lo lalis preliminer bann dimoun ki kalifye pour ganny en lakaz ki ganny anvoye kot minister
- Apre ki minister in fer en revi baze lo lezot fakter, i reanvoy sa lalis kot bann MNA avek DA ki bezwen tonb dakor lo lalis final avan ki i ariv kot komite alokasyon
- DA pou nepli en manm komite alokasyon kot minister
- Okenn lenformasyon adisyonnel ki kapab afekte priyorite okenn aplikan, i devret ganny enkorpore dan sistenm pwen pour nouvo kalkil lo pwen. Komite pa kapab zis sanz alokasyon san ki sa bann pwen i ganny revize lo menm baz syantifik ki pe ganny aplike pour tou dimoun
- DA avek MNA i bezwen sinyen e aprouv sa lalis final avan ki alokasyon i ganny fer.听听
Msye Ramkalawan i dir ki i osi enportan pour met lanfaz lo lefe ki i pa responsabilite ni DA, ni MNA, ni minister, pour enform dimoun konman zanmi oubyen konnesans lo bann desizyon final ki鈥檔 pran. Me pour asir standar dan sa prosesis, tou bann aplikan pou ganny enformen atraver en let ki zot pou gannyen sorti kot minister konsernen apre ki sa prosesis in konplete.
Lo son kote reprezantan parti minoriter, Sebastien Pillay, ti fer resorti ki se sa sistenm pwen ki anmenn bann aplikan lo sa lalis final ki tou dimoun i gete. I ti remersye PS pour Labita, Msye Denis Barbe, pour leksplikasyon detaye ki鈥檔 anmenn plis klarite pour zot bann manm ki fer ki aprezan toulede parti a kapab bouz devan lo sa size.
Minis Pamela Charlette lo son kote i dir bokou travay entern in ganny fer pour anmenn transparans dan sa sistenm e bann diferan pwen ki lede parti in tonb dakor lola pou fer sa sistenm pli transparan e letan minister i ava al anver piblik pour eksplik zot, zot ava konpran akoz zot pa鈥檔 ganny en lakaz a sa moman e ki bann MNA zot osi zot ava pli byen kapab eksplik zot bann dimoun pour ki rezon.
鈥淪a i ava fer ki nou tou nou ava pe donn menm mesaz me nou rekonnet ki nou annan bokou defi me nou pe fer nou mye pour annan en sistenm ki pli transparan e lo en pli o standar posib,鈥� Minis Charlette in dir.
Osi yer apre en demi zournen deba Lasanble in osi aprouv bidze pour Lotorite Plan a en sonm 19.772 milyon roupi. Sete touzour Minis Charlette, sef egzekitif sa lotorite, Msye Joseph Fran莽ois ek lezot zofisye ki ti vin defann sa bidze.
Bann manm ti annan bokou kestyon pour bann responsab sa lotorite e sa ti konsern amelyorasyon dan son lefikasite. Bann diferan desizyon ki i pran pour donn permisyon pour konstrir, mank sipervizyon e vizit ki bann zofisye i fer lo sit bann proze, parmi lezot ankor.
Lo son kote Msye Fran莽ois in eksplik bann zefor ek linisyativ ki sa lotrite pe fer pour kontinyen amelyor son lefikasite e redwir letan ki zot pran pour travay lo bann laplikasyon e ogmant zot sirveyans ek vizit lo bann sit proze parmi plizyer pwen.
Tar yer apremidi Minis Charlette ansanm avek Komisyonner Transpor lo Semen, Msye Wilson Denis, ti vin defann bidze sa komisyon en sonm 13.409 milyon ki Lasanble ti aprouve apre deba e kestyon ki ti deroul pandan en apremidi antye.
Lasanble i repran son bann diskisyon ozordi bomaten.
听
Marie-Anne Lepathy
听