Marathon Man i lans albonm 鈥楻evolisyon鈥� |26 October 2019
Mara avek en kopi son nouvo albonm obor en lafis ki pe promot son nouvo louvraz
I fer 5-an depi ki artis e prodikter Marathon Man pa lans en albonm. Pandan sa peryod, in fer sorti en mixtape titre 鈥�Sidekick鈥� ki鈥檔 en gro sikse lo marse lokal e ki鈥檔 definitivman kit son mark atraver bann morso tel ki 鈥楶ez Nou Anba鈥� e 鈥�24er鈥� ki ankor pe sirkile lo radyo e ant son bann fans.
Sa fwa si, Marathon Man in vin avek 鈥楻evolisyon鈥�, en nouvo albonm ki konpri 21 sanson ki鈥檔 ganny prodwir par Xtra Big e lavwa rikorde par Mara limenm, kot son prop studio Marathon Studios.
Parey bann fans i kapab ekspekte, bann morse lo sa albonm i melanze an term zanr lanmizik ki enkli reggae, seggae, dancehall, R&B, ki Mara limenm i dekri konman 鈥渆n fizyon mizikal鈥�.
鈥楻evolisyon鈥� in ofisyleman lanse depi le 16 Oktob e deza, Mara i dir ki reaksyon bann fans i pozitiv.
鈥楩rekanstasyon dalon鈥�, enn bann sanson lo albonm, i deza pe fer sikse lo radyo e ti ganny lanse detrwa semenn avan konman en avangou. Sa morso, ki Mara in dir in rikorde avek bann zenn antet, i kominik en mesaz pour bann zenn konsider byen zot frekantasyon, sirtou a en moman kot bokou zenn in tonm dan bann perdisyon e dan labi sibstans ek lalkol.
鈥淪a travay i enn ki鈥檔 enspire par diferan leksperyans lavi e mon prop lobzervasyon e enterpretasyon sa sosyete dan ki nou viv. I tous enpe lanmour, ki lakle pour linite ek lape, lafanmir, lasosyete an zeneral e plis ankor,禄 Mara i dir.
芦Mon kontan kan mon bann fans i dir mwan ki zot apresye mon travay e ki sanmenm ki zot ti pe ekspekte de mwan ou ki mon鈥檔 sirpas zot lekspektasyon,禄 Mara i dir.
Parmi bann morso lo albonm 鈥楻evolisyon鈥� i 鈥楲anmour oubliye鈥�, 鈥楰rwar mwan鈥�, 鈥楺ue pasa amigo?鈥�, 鈥楶resyon i ogmante e 鈥楳on wish鈥�, en morso ki enterprete par Mara ek Lanna.
Mara in osi travay avek lezot artis tel ki Gunz, Richie B e i鈥檔 osi rikord en sanson avek XTra Big.
I promet ki pou annan bann video clips pour detrwa sanson e ki pou annan en gran spektak pour mark lansman ofisyel sa morso travay avan lannen fini.
I ti azoute ki menm si albonm e bann travay mizikal napa gran rannman finansyel lo marse lokal akoz piratri, lanmizik i son pasyon e en fason pour li eksprim son lekor.
芦Pour mwan mon vwar li konman en lenvestisman e en fason pour mwan eksprim mon bann panse, obzervasyon e osi kominik serten mesaz. Alors pour mwan, i plis ki en travay kot ou pe ekspekte annan en rannman finansyel. Ou kapab dir ki lanmizik i en gran parti mon lavi e mon lidantite e i en lazwa pour mwan prodwir e met en travay deor pour mon bann fans,禄 Mara ti dir.
Albonm i anvant dan bann landrwa labitid a en kou R125 e i osi disponib avek Mara limenm pour R100.
听
Laura Pillay