Konpansasyon pour viktim delo polye La Mis猫re |26 September 2019
Gouvernman pou bezwen pey bann zabitan afekte en sonm total R205 milyon
听
Dimoun ki鈥檔 ganny afekte avek delo polye La Mis猫re an 2010 i ekspekte ganny zot larzan par porsyon konmansman Zanvye 2020, 2021 e 2022 e gouvernman pou bezwen trouv en sonm 205 milyon roupi pour kapab pey konpansasyon sa bann dimoun.
Minis responsab pour Finans, Komers, Lenvestisman ek Planifikasyon Ekonomik, Msye Maurice Loustau-Lalanne, ti donn sa lenformasyon Lasanble Nasyonal yer bomaten letan i ti pe reponn en kestyon lo sa size par manm Lasanble pour distrik Grand Anse Mah茅, Msye Waven William.
Msye William ti鈥檔 demann minis pour donn leksplikasyon vi ki i ti鈥檔 fer en komitman konsernan peyman sa konpansasyon dan Lasanble sis mwan pase e sa dele letan in pase e alor i ti anvi konnen ki kalite kominikasyon ki minis in annan avek biro prokirer zeneral ek lofis Prezidan lo sa size vi ki Prezidan ti osi reponn en kestyon lo sa size dan son dernyen konferans avek lapres.
Msye William ti osi anvi konnen akoz ki ziska prezan okenn bidze siplemanter pa ankor vin devan Lasanble pour konsidere, baze lo komitman ki minis ti fer.
Apre ki i ti鈥檔 donn detay lo kominikasyon ki鈥檔 annan lo sa size, Minis Loustau-Lalanne in enform Lasanble ki en bidze siplemanter pe vin devan Lasanble le 1er Oktob me ki napa okenn larzan ki鈥檔 ganny mete ladan pour peyman sa konpansasyon.
Me Minis in dir ki son lofis in kontinyelman an diskisyon avek biro prokirer zeneral lo sa size peyman konpansasyon pour kapab annan en konklizyon dan sa zafer.
I dir biro prokirer zeneral ti anvoy detay lo sa size kot Prezidan le 26 Zilyet e in fer resorti ki okenn propozisyon lo peyman i bezwen ganny ankadre dan bidze e son minister i bezwen vwar konman i kapab fer sa dan bidze.
I dir ki depi ki zot ti ganny sa detay zot ti pe esey trouv en solisyon an regardan kapasite bidze pour fer sa peyman.
Dapre propozisyon ki鈥檔 sorti kot biro prokirer zeneral detay i konm swivan;
Pour bann zabitan ki ti鈥檔 deza ganny peye konpansasyon sa ti annan 393 fwaye/(household):-
-1,279 adilt ki enkli zanfan par lao 7-an pour en lavaler R50,000 par adilt sa i fer en total 63,950,000;
-175 zanfan par anba 7-an pour en lavaler R15,000 par zanfan sa i fer en total R2,625,000;
- 49 zanfan ek staf lekol La Mis猫re pour en lavaler R25,000 par adilt ou zanfan sa i fer en total R1,225,000;
- 99 zanfan ek staf Lekol Otelyer La Mis猫re pour en lavaler R25,000 par adilt ou zanfan sa i fer en total R2,475,000;
- 100 adilt ki enkli zanfan par lao 7-an pour en lavaler R50,000 par adilt ki reste Pti Barbarons sa i fer en total R5 milyon;
- 9 zanfan par anba 7-an pour en lavaler R15,000 par zanfan ki reste Pti Barbarons sa i fer en total R135,000;
Minis Loustau-Lalanne in dir ki pour sa group son minister pou pey 50% konpansasyon an Zanvye 2020 pour en total R37,705,000 e balans ki pou reste, en total R37,705,000 pou ganny peye an Zanvye 2021.
Minis Loustau-Lalanne in fer resorti ki i annan en dezyenm group dimoun ki鈥檔 vin devan pour rod konpansasyon pour en lavaler R121, 845,000 konm swivan:
- 99 lakaz ki enkli 187 endividyel ki reste La Mis猫re pour en total R33.08 milyon;
- 170 lakaz Pti Barbarons ki enkli 786 endividyel pour en total R77.74 milyon;
- 12 zanfan ek staf Lekol La Mis猫re pour en total R300,000;
- 164 zanfan ek staf Lekol Otelyer La Mis猫re pour en total R4.1 milyon.
In osi annan en total 265 travayer ki pe rod konpansasyon pour en total R6.625 milyon.
Pour sa group Minis Loustau-Lalanne i dir son minister i bezwen kontinyen diskit ankor ek prokirer zeneral pour finaliz sa sonm total. Me i dir ki dapre zot previzyon bidzeter peyman pour sa dezyenm group pou selman kapab ganny peye an 2022.
Fodre dir ki ti annan bokou diskisyon lo sa size e bann manm ti anvi konnen akoz ki gouvernman ki bezwen trouv tou sa larzan pour pey konpansasyon kan sa problenm ti konsern en kontrakter lo en proze prive, ki kantite larzan ki ti negosye avek sa ki responsab sa problenm, kote sa larzan in ganny peye e zot ti demann laprev e zot in demann Minis Loustau-Lalanne pour al renegosye avek bann responsab sa problenm pour ganny plis larzan vi ki in annan plis dimoun ki zot ti鈥檔 prevwar ki鈥檔 vin devan e ki plis larzan i neseser pour pey konpansasyon.