Parti Lepep/US in fini revann gouvernman 10 morso later |12 August 2019
Minis Charlette, akonpannyen par Manmzel Albert ek Msye Hoareau, letan i ti pe koz avek lapres Vandredi.
Ziska aprezan Parti Lepep/US in fini revann gouvernman 10 morso later ki i ti鈥檔 aste dan diferan distrik atraver pei.
Sa i swiv negosyasyon ki minister responsab later ti鈥檔 antreprann avek sa parti apre ki in annan bokou kestyon resaman lo sa size later Leta ki sa parti ti鈥檔 aste dan bann lannen pase.
Vandredi apremidi Minis responsab pour litilizasyon later Pamela Charlette ti enform lapres ki zistans son minister in arive avek bann negosyasyon konsernan sa bann later.
Minis Charlette ti antoure avek son sekreter prensipal pour later Fanette Albert ek son konseye spesyal Gerard Hoareau.
鈥淣egosyasyon in al ase byen e 10 morso later in deza fini transfer lo gouvernman menm si i annan serten ladan ki pa ankor anrezistre me sa parti in dakor pour retourn sa bann later avek gouvernman,鈥� Minis Charlette in dir.
I ti fer resorti ki i osi annan bann later ki annan batiman lola e pour sa bann negosyasyon pou pran enpe plis letan.
I annan lezot ki annan batiman prive, biro brans e sa osi negosyasyon i ankor pe kontinyen pour trouv pli meyer fason pour al delavan avek. La Digue ek Praslin osi i annan later ki enplike.
Bann distrik kot minister in fini repran sa bann later ki in reaste lo menm pri ki zot ti ganny vann i Anse Aux Pins, Anse Royale, Au Cap, Bel Air, Glacis, Grand Anse Mah茅, Les Mamelles, Plaisance, Roche Caiman ek Takamaka.
Negosyasyon i ankor pe deroule dan distrik Anse Boileau, Anse Etoile, Baie Lazare, Baie Ste Anne Praslin, Beau Vallon, Bel Ombre, Cascade, English River, La Digue, Mont Buxton, Mont Fleuri, Pointe Larue, Port Glaud ek St Louis.
Dapre resers ek levanter ki minister later in fer, Minis Charlette i dir ti annan anviron 40 morso later ki ti anba sa parti ki an negosyason pour repran.
Minis Charlette in osi dir ki son minister pe mazin fini avek tou sa bann prosedir e demars transfer pour bann later ki vid ver lafen lannen me pour bann ki annan batiman lola sa negosyasyon pou pran plis letan.
Me ki pou arive avek sa bann later enn fwa ki zot retourn dan posesyon Leta?
Minis Charlette in dir ki sa pou depan lo kwa ki orizinalman ti pou fer lo sa bann later me sinon i kapab pour devlopman kominoter parey daycare me minister i kapab konsider allocate sa bann later avek bann lezot lenstitisyon pour fer devlopman.